Հունաստանի ՊՆ նախարար. «Մենք պետք է կարողանանք զսպել Թուրքիային»
Հունաստանի պաշտպանության նախարար Նիկոս Դենդիասը հունական Սալիոնիկ քաղաքում կազմակերպված «Beyond 2024» ցուցահանդեսի շրջանակներում խոսել է թուրքական ռազմարդյունաբերության մասին:
Նա, ուշադրություն հրավիրելով Թուրքիայի ռազարդյունաբերության ձեռբերումների վրա, ընդգծել է թուրքական հարվածային անօդաչու թռչող սարքերը (ԱԹՍ) զսպելու համար հակաօդային և հակադրոնային պաշտպանական համակարգ ստեղծելու անհրաժեշտության մասին:
«Օրինակ մեր հարևան Թուրքիայի նավաշինության ծրագրին նայե՛ք: Դրոնային ծրագրին նայե՛ք: Մենք նրանց պետք է խելքին մոտ պատասխան տանք: Ես չեմ ասում, որ պետք է մտնել մրցակցության մեջ՝ տեսնելու համար, թե ով է առաջինը լինելու: Մենք ցանկանում ենք պաշտպանել ինքներս մեզ և միաժամանակ ունենալ զսպելու կարողություն»,-ասել է հույն նախարարը:
Ըստ Դենդիասի՝ այժմ Հունաստանի զինված ուժերում վերոնշյալը ենթադրող ծրագիր է իրականացվում ու դրա կյանքի կոչման համար հատկացվել է 2 մլրդ դոլար: Նա նաև հավելել է, որ այն Հունաստանի բանակում մինչ օրս իրականացված ամենամեծ ռեֆորմն է:
Թուրքական մամուլը Դենդիասի այդ դիտարկումներին աձագանքել են հետևյալ կերպ. «Թուրքական ԱԹՍ-ների և հարվածային ԱԹՍ-ների ունեցած ձեռքբերումները ստիպել են հարևանին գործի անցնել»:
Աղբյուր` aksa.com.tr
