Ամենայն տեղ մահը մի է

Կեսգիշերին Թրամփը զանգեց իր շտաբի պետին.

– Էդ կիսաջան ե՞ս անում, արա: Ե՞րբ պիտի ասես արդյունքները:

– Դեռ բոլոր նահանգներից վերջնական թվերը չեն ստացվել, շեֆ:

– Քանի՞ նահանգից ա ստացվել:

– Մի քառասուն:

– Էս երկիրը էդքան նահանգ ունի՞:

– Ավելի շատ էլ ունի:

– Լավ, հլը էդ քառասունի արդյունքները ասա:

– Մեր մեջ ասած, շեֆ, ամենայն տեղ մահը մի է:

– Էդ ի՞նչ ա նշանակում:

– Դե, որ մարդ ամեն տեղ նույն ձև ա մեռնում:

– Ցնդել ե՞ս, արա՛, ես ո՞նց կարամ քառասուն տեղ մեռնեմ:

– Էդ հլը բոլորը չի, շեֆ: Մի տասը տեղ էլ հոգի ես տալիս ու շուտով կմեռնես:

– Այ քեզ բան: Բա ժողովուրդն ի՞նչ ա ասում:

– Ամենայն տեղ քո գովքն են անում:

– Հլը էդ անաղուհացներին տես է: Ինձ ձեն չեն տալիս, բայց իմ գովքն են անո՞ւմ:

– Ժողովուրդն էդպես ա, շեֆ. մեռելների հետևից միշտ լավ ա խոսում:

Կարո Վարդանյան