Արարատ Միրզոյանը չբացառեց Հայաստանի մասնակցությունը Բաքվում կայանալիք COP-29 գագաթնաժողովին
Հայաստանի մասնակցությունը Բաքվում կայանալիք COP-29 գագաթնաժողովին որևէ կերպ հաստատված չէ, այս մասին Աժ-ում հայտարարեց ՀՀ ԱԳ նախարար Արարատ Միրզոյանը։
«Հրավերը ստացել ենք, որևէ պաշտոնական արձագանք ու վերաբերմունք այս հարցում չենք դրսևորել»,- ասաց նա։
Միրզոյանը չբացառեց Հայաստանի մասնակցությունը գագաթնաժողովին։
«Բայց պետք է հասկանանք՝ ինչի մասին է խոսքը»,- ընդգծեց նա։
Խոսելով գերիների հարցը այդ գագաթնաժողովում բարձրացնելու մասին՝ ԱԳ նախարարն ասաց, թե գերիների ու այլ պահվող անձանց անհապաղ ազատ արձակման հարցը Հայաստանի մշտական քննարկման ու թիվ մեկ առաջանհերթություններից մեկն է։